Wie is Ons
Ons Geskiedenis
In ‘n boomryke omgewing het die Tuiste reeds op 19 Oktober 1968 as ‘n projek van die destydse Diens van Barmhartigheid van die NG Kerk tot stand gekom. Dit funksioneer ná 45 jaar steeds onder die toesig van Tutela, die barmhartigheidsarm van dié kerk.
Ons Missie
Die missie van Ekklesiapark stel dit duidelik dat versorging van bejaardes en ander verswakte persone in getrouheid aan die Christelike liefdesgebod op holistiese wyse voorsien word.
ONS STATISTIEK
196
Inwoners
56
%
Afrikaans
40
%
Engels
4
%
Ander
JONGSTE NUUS
ONS FASILITEITE EN DIENSTE
Aftreeoord
Aftreeoord
Die aftreeoord bestaan uit 50 ruim woonstelle op grondvlak en op die eerste vloer. Elke eenheid bestaan uit ‘n kombuis, woonkamer, badkamer (met ‘n bad of stort) en een of twee slaapkamers. Inwoners van die aftreeoord moet nog heeltemal selfstandig kan funksioneer, maar ‘n nooddiens wat deur verpleegkundiges gelewer word, is op aanvraag beskikbaar. ‘n Noodknoppie word vir hierdie doel aan elke inwoner verskaf. Alle geriewe in die Tuiste, die bywoning van sosiale funksies en aktiwiteite is tot die beskikking van die inwoners van die aftreeoord. Lees aan…
Semisorg
Semisorg
Die semisorgafdeling bestaan uit kamers van verskillende groottes, almal met hul eie badkamers. In die semi-sorgafdeling word alle medikasie deur verpleegkundiges toegedien, en verpleeghulpe is beskikbaar om inwoners te help bad, wonde te versorg en algemene hulp en toesig te bied. Etes, skoonmaak- en wasgoeddiens word in die maandelikse bedag ingesluit. Mandelikse huur R11 630 – R14 575
Sorgeenheid
Sorgeenheid
Die Sorgafdeling bestaan uit kamers van verskillende groottes, asook sale met 5-8 persone vir die versorging van erg verswakte bejaardes, en sorg vir persone wat herstel na ‘n operasie of siekbed. Die sorg afdeling bied ook verblyf aan verswakte bejaardes wat kort termyn akkomodasie benodig. In die sorgafdeling kan inwoners op verpleeghulp staatmaak vir al hul daaglikse aktiwiteite, selfs wanneer die persoon alle mobiliteit verloor het. Stimulerende aktiwiteite word gereeld in hierdie afdeling aangebied. Maandelikse huur: R13 870- R17 370
Opgegradeerde Bykomende Geriewe
Opgegradeerde Bykomende Geriewe
Bykomende geriewe sluit in ‘n goed toegeruste inhuisbiblioteek, multimedia sitkamer, ‘n haarsalon, rook-en-sonkamers in die gange van die hoofgebou, stoelhysers en pragtige tuine met veilige paadjies en stewige handrelings.
Pragtige Tuine en Veilige Wandelpaadjies
Pragtige Tuine en Veilige Wandelpaadjies
Pragtige, geplaveide paadjies tussen en om die verskillende dele van die gebou bied die inwoners die geleentheid om in ‘n veilige omgewing (met of sonder hulp) te kan stap om fiks te bly. Bankies is op verskeie plekke op die goedversorgde grasperke geplaas. Inwoners kan hier uitrus en onder andere die verbasende verskeidenheid voëls dophou.
Maatskaplike Werker
Maatskaplike Werker
Die diens van ‘n voltydse maatskaplike werkster is beskikbaar vir die inwoners en hulle families. Sy reel doelgerigte sosiale aktiwiteite om die inwoners to motiveer om deel te neem sodat hulle intellektuele, fisiese en sosiale interaksie en stimulasie kry.
Gemeenskapsbetrokkenheid
Vrywilligers is gereeld betrokke by die verskeie aktiwiteite wat meer kleur aan die bejaardes se dae verleen en bydra tot die Tuiste se toewyding aan die beginsel van ‘aktiewe veroudering.’
Sosiale Aktiwiteite
Daar is gereelde sosiale aktiwiteite en geleenthede vir die inwoners.Ons pragtige omgewing
GALERY
